· Castelo de Andrade ·

O Castelo de Andrade está situado sobre a Pena Leboreira, usábase como baluarte defensivo. 

Foi construido por Fernán Pérez de Andrade “O Bo”. A Torre da Homenaxe é de planta cadrada, con vinte metros de alto e dez de ancho. O grosor dos muros é de dous metros e medio. Debeu de ter tres andares, cubertos cunha bóveda de canteiría sobre a que estaba a parte almeada. O resto do edificio adáptase á configuración do terreo e pecha un patio de armas de 140m². 

Na única entrada aínda se percibe, borroso, o escudo dos Andrade. Estaba franqueada por dous torreóns prismáticos. Un pequeno foxo nos flancos sur e leste remataba a obra. 

Conta a lenda que o castelo conecta por medio dun túnel subterráneo coa residencia dos Andrade en Pontedeume.

Castelo de Andrade, a 3km de Alvarlla.